Интернет аша эш иткәндәр

Салауат ҡалаһында наркотөркөм ойоштороусы дүртәү суд алдында яуап бирәсәк. Улар тыйылған матдәләр һатыуҙа ғәйепләнә. Тикшереү һөҙөмтәләре буйынса 2018 йылда 22 йәштән алып 32 йәшкәсә тиклемге енәйәтселәр интернет-магазин аша синтетик наркотик һатыу буйынса эшкә урынлашҡандар һәм Ишембай, Күмертау, Салауат, Стәрлетамаҡ ҡалаларында һатыу иткәндәр. Наркотиктарҙы улар йәшерен урындар аша таратҡан, ә һатып алыусылар аҡсаны уларҙың банк карталарына күсергән. Әлеге ваҡытта ғәйепләнеүселәр һаҡ аҫтында, береһе лә үҙ ғәйебен танымай, тип хәбәр итә прокуратура. Енәйәт эше ҡала судына ебәрелгән.

Үҙ мәғлүмәттәребеҙҙән