БЕҘҘӘ ЕТЕШТЕРЕЛӘ

Рәсәйҙәге иң тәүге пилотһыҙ вертолет конструкцияһы Күмертауҙа эшләнәсәк.

Уның һынау өлгөһөн авиация предприятиеһында йыялар. Бындай пилотһыҙ вертолет экипажлы вертолетты тәьмин итеүгә ҡарағанда ун тапҡырға арзаныраҡҡа төшә. Машинаны «Алмаз-Антей» концерны заказы буйынса эшләйҙәр. Вертолеттарҙың бындай төрө хәрби хәрәкәт өсөн генә түгел, ә тыныс ваҡытта ла бик кәрәкле. Нефть трассаларын мониторлау һәм һыу ташыу хәлен анализлау өсөн дә экипажһыҙ вертолеттар бик тә кәрәкле. КүмАПП заказ биреүсегә 19 яңы вертолет ебәргән дә инде.