+19 °С
Дождь
ҮҘЕБЕҘ ХАҠЫНДА ҮҘЕБЕҘ
30 Мая 2021, 05:17
Уға операция кәрәкмәй
Ундағы үҙгәреште күптәр һиҙҙе, беҙ бигерәк тә. Күҙҙәре яна, йөрөүе дәртлерәк. Тәүбә-тәүбә, нимә булды икән - әҙәм балаһының башына тәү сиратта шомлораҡ уй килә торған. Хилаф булып ҡуймағайы. Йәшәрә лә баһа был. Миллиондар нисек итеп йәшлектәренә кире ҡайтырға белмәй йонсой, әллә нәмә эсеп ҡарай, һөртөп тә ҡарай, операцияға ята. Ә был...
Ундағы үҙгәреште күптәр һиҙҙе, беҙ бигерәк тә. Күҙҙәре яна, йөрөүе дәртлерәк. Тәүбә-тәүбә, нимә булды икән - әҙәм балаһының башына тәү сиратта шомлораҡ уй килә торған. Хилаф булып ҡуймағайы. Йәшәрә лә баһа был. Миллиондар нисек итеп йәшлектәренә кире ҡайтырға белмәй йонсой, әллә нәмә эсеп ҡарай, һөртөп тә ҡарай, операцияға ята. Ә был...
Торараҡ сер сиселде - көнсығыш бейеүенә йөрөй икән. Айгөл Халиҡова. Эштән иртәрәк китәйем әле тип һорағанда, күҙҙе аҡайта инек, ә ул өндәшмәй генә бейеүгә йүгергән икән. Был турала һуңыраҡ белгәс, саҡ торған кешегә етә ҡалды: бейеп күрәт әле. Беҙ ҙә әҙәм балаһы, һинд киноларын ҡарап үҫкән кешеләр, Зитаһына ла, Гитаһына ла ауыҙ һыуҙары аға торғайны. Ә бында тере Гита йөрөп ята, шуға бәйләндек тә.
Күрһәтмәне. Көнө төнө тигәндәй, бейеү менән һаташты. Күлдәк кәрәк, быныһы булғас, уға тағырға әллә нәмәләр кәрәк, биткәме, ҡайҙа һөртөргә буяуы кәрәк, тигәндәй. Ошо аҙнала гала-концерты булды. "Рассвет" мәҙәниәт һарайында.
Көнсығыш бейеүҙәре тамашаһы була тигәс, Айгөлдән бигерәк үҙебеҙ тулҡынланып көттөк, әйтерһең, ул түгел, сәхнәгә бейергә беҙ сығабыҙ. Ҡарарға барҙыҡ. Ултырғыс тотоп. Урын булмаҫ тип ҡурҡтыҡ. Ғәләмәт.
Йәшлеккә ҡайтам тип әҙәм нимә генә эшләп ҡарамай. Уның сере ябай икән - үҙеңдең яратҡан шөғөлөң булыу. А. Халиҡованың уныһы бар, яратҡан эше бар. Матур ғаиләһе бар. Уға операция кәрәкмәй. Артабан да әлегәләй матур бейеүҙәр бейеп кенә янып йәшәргә булһын.
