+14 °С
Дождь
ҮҘЕБЕҘ ХАҠЫНДА ҮҘЕБЕҘ
27 Июля 2021, 12:20
"Йәйгенәһен бында, эй, йәйләнем"
Күмертауҙарға яҡшы таныш, хәҙер Мәскәүҙә йәшәгән Күмертау ҡалаһының почетлы гражданины Рәйсә Рәхмәт ҡыҙы Сырлыбаева ҡунаҡҡа килде."Башҡалаға ҡайтып китер алдынан кереп сығырға булдым. Бер йылы юбилейыма саҡырмағайным, шуға үкенәм, әле ғәфү үтенергә ине", - әллә нисә йыл элек булғандары онотолған, яҡшыһы ғына иҫтә ҡалған.
"Йәйгенәһен бында, эй, йәйләнем"
Күмертау үҙгәргән, ҡыҙғанысҡа, яҡшы яҡҡа түгел, ситтән ҡайтҡан кешегә күберәк күренәлер, Рәйсә апайҙың фекере ошолайыраҡ.
Мәскәү хәлдәрен (унда пропискаға тороп, ун йыл йәшәгәндән һуң ғына мәскәүский пенсия түләй башлайҙар икән, вәт хәйләкәрҙәр), беҙҙәге хәлдәрҙе һөйләштек - БРГИ-ла директор кем була, ҡала ҡоролтайы хәлдәре.... Ниңәлер бик шатлыҡлы мәлдәрҙе иҫкә алып булманы, үҙебеҙҙең урынды таба алмай хитланған халыҡ һымаҡбыҙ, йырҙағы Бейештәй хәлдәбеҙ әллә:
Йәйгенәһен бында, эй, йәйләнем,
Ҡышҡынаһын ҡайҙа ла ҡышлайым?
Ҡышҡынаһын ҡайҙа ла ҡышлайым?
Киләһе йәй тағы ҡайтам, тине апай, йәнә керермен. Редакция ишектәре һәр саҡ асыҡ, башҡалала һәйбәт ҡышларға булһын, йәйҙәр әйләнер ҙә килер, иҫән булайыҡ.
