+13 °С
Ясно
ҮҘЕБЕҘ ХАҠЫНДА ҮҘЕБЕҘ
24 Августа 2021, 09:08
Яҡты мәлдәр генә ҡалһын
Музей - ул тарих. Бында әллә нисә йыл, хатта быуат элек булған ваҡиғаларға ҡағылырға була. Ғүмер бик тиҙ үтә, бына әле ошо минутта ултырабыҙ, торабыҙ, ә бер нисә мәлдән ул да тарих булып ҡала. Был минутты бер ҡасан да кире ҡайтарып булмай, ай, йыл үтә, боролоп ҡарайһың, хәҙер сәсеңдең төҫө үҙгәргән, тән дә башҡасараҡ, йән дә икенсерәк хатта.
Яҡты мәлдәр генә ҡалһын
Райондың тарихты өйрәнеү музейында фотоға төштөк. Яңы ғына төштөк, ә ул инде тарихта ятып ҡалды. Кем белә, торараҡ был фотоға ҡарап та район тарихын өйрәнерҙәр, ул заманда шулайыраҡ кейенгәндәр, биҙәнгәндәр икән тиерҙәр, модала шундайыраҡ прическа булған икән тип әйтерҙәр. Ҡулдарына һаман эш дәфтәре тотоп йөрөгәндәр икән тип тә аптырарҙар, телефонға, бәлки, ғәжәпләнмәҫтәр, ул әллә нисә быуаттан да һаман ҡулда булыр һымаҡ.
Бер генә секунд, фотоаппараттың бер генә шылтлауы һәм тарих әҙер. Иҫтәлеккә әлегеләй тик яҡты мәлдәр генә ҡалһын ине.
