+24 °С
Ямғыр
ҮҘЕБЕҘ ХАҠЫНДА ҮҘЕБЕҘ
28 Февраль 2022, 04:27
"Переворот"
Мулла ҡатаһыҙ, гәзит хатаһыҙ булмай тип һалпы яҡҡа һалам ҡыҫтырып, үҙеңде аҡлау уңайлы, тик барыбер хата менән хата араһында айырма була, ҡайһы берҙәрен, гәзит баҫылғандан һуң, күреп ҡалһаң, оят булып китә, сәстәр үрә тора, уңайһыҙ.
"Переворот"
Был осраҡта күҙ күрмәне (эш аҙағында лупа тотоп ултырабыҙ, ысын), баш томаланды тип сәбәп эҙләү ҙә урынһыҙ- "что написано пером, не вырубишь топором" ти урыҫ халҡы.
Үткән һанда беҙ районда переворот яһап ташлағанбыҙ - район хакимиәте башлығы тип, уның урынбаҫары Данил Акиловты тәғәйенләп ҡуйғанбыҙ. Бер генә һүҙ, ә донъялар ана ҡалай булып китте - Көйөргәҙелә башлыҡ алмашынғанмы әллә тип төпсөшә башланылар. Юҡ. барыһы ла элеккесә, барыһы ла урындарында.
Был сәйәси хата өсөн, (кемделер ҡайғыртҡан, ә кемделер шатландырғандыр, бәлки), теҙләнеп ғәфү үтенәбеҙ. Алдағы көндәрҙә перевороттар яһамаҫҡа һүҙ бирәбеҙ.
