"Гөлнур ҡайҙа?"

Таң һарыһынан килгәндәр.

- Гөлнур ҡайҙа? 

Һәр журналистың үҙ уҡыусыһы булырға тейеш, Г. Хөсәйенованыҡы ла, әлбиттә, бар. Шулар таптыра. 

- Гөлнур юҡ, өс көн буйы булмай.

- Ул-был хәл булып киттеме әллә? 

- Ул Йәштәр йыйынында йөрөп ята, бөгөн төндә үк Өфөгә сығып китте. Әле барып еткән дә инде. Йыйын өс көн дауамында барасаҡ, һәммәһе 600 -ҙән ашыу йәш кеше ҡатнашасаҡ, 7 платформа эшләйәсәк, мәҙәниәт, мәғариф, эшҡыуарҙар, хатта йәш чиновниктар өсөн һәр береһенә тәғәйен платформа буласаҡ. Ашатыу-эсереү, йоҡлатыу һәм башҡаһы, барыһы ла хөкүмәт иҫәбенә. 

Шулай тип теҙ ҙә һал. Телдәрен шартлатты таңғы ҡунаҡтар, йөҙҙәренә саҡ ҡына ғорурланыу ҡатыш ғәжәпләнеү һыҙаттары сыҡты (ҡарале һин уны, Гөлнур - ҙур кеше икән), боролоп китеп барҙылар. 

Өс көн - күҙ асып йомған ара, тиҙҙән ҡайтыр Гөлнурығыҙ. Саҡ ҡына сыҙағыҙ. Беҙ ҙә түҙеп ултырырға тырышырбыҙ һәм репортаждар яҙырбыҙ. Көтөгөҙ.