Все новости
Һөйөнсө!
13 Декабря 2021, 16:59

Фәрештә

Гөлфиә Назарова, БР Һаулыҡ һаҡлау отличнигы исемен алып, әле Өфөнән ҡайтып килә. Гөлфиә Григорьевна беҙҙең менән шатлыҡтарын бүлешеп тә өлгөрҙө, уның был наградаһы тураһында ишеткәс, беҙ уға ҡарағанда ла нығыраҡ ҡыуандыҡ, буғай. Шәфҡәт туташы тураһында материал киләһе һанда сыға.

Фәрештә
Фәрештә

Шәфҡәт туташына

Шәфҡәт туташтары араһынан
Бер фәрештә керҙе күңелгә
Уның изге ихлас күҙҙәренән
Йәшәү көсө йәнгә түгелә
Шәфҡәт туташы һин фәрештә
Фәрештәләр булып кер төшкә
Күҙҙәремә минең бер ҡараһаң
Ҡанат үҫә миңә һәр эштә.
Шул туташтың аяҡ баҫыуына
Бөтә мәшәҡәтем юғала
Ҡайҙан пәйҙә булды был фәрештә
Аҡ халатлы гүзәл ҡыҙ бала
Бөҙрә ҡара сәстәр биҙәй микән
Аҡ халатлы иъхлас йөҙҙәрҙе
Хас ул яҙлар булып килеп керә,
Йә балҡытып алтын көҙҙәре
Биләүҙәргә төргән әсәйеңдән
Өлөш тейгән ахры үҙеңә
Фәрештәләй изге күңелле бул
Тиеп өрҙө микән күҙеңә
Шәфҡәт туташы һин фәрештә
Фәрештәләр булып кер төшкә
Күҙҙәремә минең бер ҡараһаң
Ҡанат үҫә миңә һәр эштә.

Замира Бикбулатова.

Автор:Дим Ильясов
Читайте нас: