БЕР ӨЙ, БЕР МУНСА

Үткән аҙнала Арыҫлан-Әмәкәс ауылында ут менән һаҡһыҙ ҡыланыу арҡаһында бер йорт янып киткән, бер кеше тән йәрәхәттәре алған. Ермолаевола шулай уҡ мейесте дөрөҫ ҡулланмау сәбәпле, хужаларҙың мунсаларына ут ҡаба. Былтырғы йылдың ошо осоронда районда 10 янғын сығыу осрағы теркәлгән. Унда 2 кеше һәләк булған, 4-әү йәрәхәтләнгән. Быйыл шул уҡ осорҙа 13 янғын сығыу, 2 кешенең йәрәхәтләнеүе, 1 үлем осрағы теркәлгән.