Юлдағы фажиғә

Кисә йәш кешене поезд бәрҙергән тигән хәбәр буйынса тулыраҡ мәғлүмәт алдыҡ.

Баҡһаң, был аяныслы хәл Айсыуаҡ ауылы янында түгел, Яңы Уралка ауылы янында булған. Тимер юл буйлап 8 класс балаһы китеп барған (ул Ермолаево ауылы егете, өләсәһенә тип - Уралкағамы, Ольховкағамы - юлға сыҡҡандыр). Ҡолаҡта - наушниктар. Күңелле көйҙәр тыңлап барған малай артынан поезд килгәнен, әлбиттә, ишетмәй. Машинист ике минут самаһы сигнал бирә - файҙаһыҙ. Ахыры насар бөтә: малайҙы поезд бәрҙерә. Әле яралы уҡыусы дауаханала. Шөкөр, иҫән. Хәле ауыр тиҙәр, шулай ҙа беҙҙә өмөт ҙур - шәбәй, егет.