Алҡыштарға лайыҡ булһын

Кисә, кисләтеп кенә, буран баҫыла төшкәс, Күмертауҙа Ҡатын-ҡыҙҙар көнөнә арналған концерт булды. Тантананы асҡанда Олег Фролов бик хисләнеп һөйләне, кешелектең иң яҡшы, матур яртыһы һеҙ, - тине Олег Юрьевич килгән йәмәғәткә. Бигерәк тә табиптарға рәхмәт тип, уларҙы айырым билдәләп үтте, - пандемия ваҡытында алһыҙ, ялһыҙ, фронттың иң алғы һыҙығында булдығыҙ. Күп кенә гүзәл зат наградаларға лайыҡ булды.

"Әсәлек даны" миҙалын ике күп балалы әсәгә тапшырҙылар - Сания Ҡотлобаеваға һәм Екатерина Васильеваға. Беҙҙең заманда биш һәм унан да күберәк бала табыу, ысын мәғәнәһендә, ҙур батырлыҡ. Байтаҡ ҡына ҡатын-ҡыҙ, Күмертау тормошона тос өлөш кереткәне өсөн, грамоталар менән бүләкләнде. Зал ҡайнар алҡыштарға күмелде. Зал шауланы, ә тышта тыныс ине - буран тымды, алдағы ғүмерҙәрегеҙ ҙә буран-дауылһыҙ һәм алҡыштарға лайыҡ булһын ине, ҡыҙҙар. Байрам менән!

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45