Юшатыр
-29 °С
Облачно
75 лет Победы
Все новости
ҠАЛА ХАКИМИӘТЕНДӘ
22 Марта 2021, 09:57

Барыһы ла ваҡытлыса

Барыһы ла был донъяла ваҡытлыса. Йыл да ғына түгел, көн дә ниндәйҙер үҙгәрештәр күҙәтәбеҙ. Власть кешеләре менән дә шулай, береһе килә, икенсеһе китә. Кемдер оҙағыраҡ вазифа биләй, кемеһелер, тамыр йәйеп тә китә алмай, урынын бушата.

Үткән аҙнала Күмертау ҡалаһы хакимиәте лә үҙгәрештәр кисерҙе: башлыҡтың Төҙөлөш һәм торлаҡ-коммуналь хужалыҡ буйынса урынбаҫары Дмитрий Гаврилов урынын бушатты, был вазифаға ул приставтарҙан килгәйне, хәтеребеҙ яңғылышмаһа, өс йыл самаһы урынбаҫар булды, буғай.
Гаврилов үҙе генә китмәне, уға буйһонған бер нисә кешене лә үҙе артынан эйәртте: ҡала хужалығы бүлеге начальнигы Владимир Володинды һәм баш архитектор Светлана Гиршты. Володин был посты оҙаҡ биләмәне, фамилияһы ғына ныҡ таныш ( Дума спикерына, шулай ҙа, туғанлығы юҡтыр). Ә бына Светлана Рәүеф ҡыҙы архитектурала оҙаҡ йылдар эшләгән ҡатын. Ниңә ҡапыл ғына барыһы ла ҡуҙғалырға булған - был һорауға яуап юҡ, бөтәһе лә "Әллә" тигән яуап менән сикләнә.
Барыһы ла ваҡытлыса. Һөйөүөбеҙ генә булһын мәңгелек.
Читайте нас в