БАҪЫУ ЭШТӘРЕНӘ ӘҘЕРБЕҘ

«Искра» хужалығы кооперативында быйыл 10 мең гектарҙан ашыу ерҙә ашлыҡ сәсеү ҡаралған. Игенгә, шулай уҡ техник һәм мал аҙығы культураларына сәсеүлектәр тәғәйенләнгән.

– Техника, сәсеү агрегаттары әҙерлек һыҙығына ҡуйылды. Техник күҙәтеүҙе үткәрҙек, сер түгел, һәйбәт уңыш нигеҙе – сифатлы орлоҡ һәм ашламаларҙы һөҙөмтәле файҙаланыу, – ти Яҡшымбәт бригадаһы етәксеһе Ғәҙелхәй Боҫҡанов. Тиҙ арала дым ҡаплатыу бурысы тора. Быйыл, ҡыҙғанысҡы ҡаршы, ҡар аҙ яуҙы, етмәһә, ер 50-60 сантиметрға тиклем туң, яҙғы иген культураларын сәсеү өсөн бөтә мөмкинлектәр ҙә бар. Техниканы көҙҙән үк әҙерләп ҡуйҙыҡ. Механизаторҙарыбыҙ барыһы ла тәжрибәле. Дым ҡаплатыуға 6 агрегат йәлеп ителәсәк.

– Эште оҙаҡҡа һуҙырға ярамай, – ти бригадир ярҙамсыһы Мөнир Сәлтәшев.

Рәүеф АБДУЛЛИН,