+17 °С
Облачно
Ауыл хужалығы
22 Марта 2021, 11:22
Ҡатындан уңғандың икмәге лә уңыр
Яланда йырлашмаһаң, ырҙынды ыңғырашырһың, ти халыҡ. Тимербай халҡының әле йырлап йәшәгән ваҡыты, төбәп әйткәндә, Зөлфәт Килмәтовтың дәрткә тулышҡан мәле. Шулайтмай, фермер бит ул. Һәр көнө генә түгел, әле һәр сәғәте иҫәптә - яҙғы сәсеүгә әҙерләнеп йөрөй. Бора торғанын бора, майлай торғанын майлай.
Техника, яғыулыҡ, орлоҡ - барыһын да бер башта тоторға кәрәк. Янында, ярар, ҡатыны Әлфинә бар, аш-һыу, йылы йорт ҡына түгел, фермерҙың булған барлыҡ мәшәҡәттәре лә Әлфинәнең мәшәҡәттәре. Ҡатынды ярты яҙмыш тиҙәр, күберәктер. Беҙҙән теләк: техника гөрләп торһон, игендәр уңып торһон (ҡатындан уңған ирҙең, икмәге лә насар булмаҫ), тормош арбаһы ла, майлаған кеүек, ыңғырашмай, йырлап ҡына алға барһын.
