- Бына ҡарағыҙ, - Урал Дамир улы, һуғыш ваҡытында һалдаттарға нисек һөжүм итергә өйрәткән генерал һымаҡ, картаға күрһәтә, - Яҡшымбәттә мал күп, сабынлыҡ ерҙәре аҙ, Керәүлелә лә шулай, Морапталда ла. Шул уҡ ваҡытта, районда бесән күп ул. Көҙөн күренә: кемдер һалам да таба алмай йөрөй, ә байтаҡ ерҙәр, үләне сабылмай, әрәм ҡалған. Ошо хәлде иҫәпкә алып, хужалыҡтарға буш ятҡан сабынлыҡтарҙы бүлеп бирҙек - бына был яҡтар - Искраға, быныһы - Керәүлегә, быныһы - Кировҡа. Бесәнде ташыуы йырағыраҡ була инде, быныһы ғына әллә ни түгел, элек, ҡоролоҡ мәлендә, Прибалтиканан да һалам алып ҡайтҡандар.