+14 °С
Облачно
Ауыл хужалығы
27 Июля 2021, 03:42
Бәлки, кино төшөрөрҙәр
1957 йылда төшөрлөгән «Дело было в Пенькове» фильмында, кем хәтерләй, киногероиня заманса трактор тураһында хыяллана, баҫыу буйлап китеп бара, бөтәһен дә компьютер эшләй, трактор эсендә береһе лә юҡ, техника бөтәһен дә үҙе белә. Киров хужалығы әлегә был уҡ кимәлгә барып етмәгән (механизаторҙар кәрәк әлегә), шулай ҙа яландарындағы техниканы теге заманда йәшәгәндәр күрһә, ғәжәптәренең сиге булмаҫ ине.
Бәлки, кино төшөрөрҙәр
Киров баҫыуҙарын иңләп, өр яңы заманса техника эшләй, эшләгән трактор артынан ҡарап тороуы күңелле. Ер һөрөп йөрөгән Туҡаев Уралдың тракторы тулыһынса компьютер менән йыһазланған. Дөрөҫ һөрмәһә, элекке һымаҡ, асҡыс, сүкеш тотоп, майға буялып йөрөһө түгел, кнопкаға ғына баҫтың - булды.
Кем белә, берәй заман, бәлки, ауыл хужалығы һәм, әлбиттә, мөхәббәт тураһында кино төшөрөр булһалар, Морапталға килерҙәр. Исеме шул көйө ҡалһа ла була: «Дело было в Мураптале».
