Ҡыҙғандан-ҡыҙа

9 августҡа ҡарата, 8429 гектар майҙанда иген культуралары сабылған. 6697 гектар майҙанда һуғылған. Гектар көсө уртаса район буйынса 29 центнер. Заманса технологиялар, минераль ашламалар ҡулланылған баҫыуҙарҙа уңыш гектарынан 40-60 центнерға етә. Республика буйынса алғанда, беҙҙең район тәүге унау эсенә инә. "Ватан" ауыл хужалығы кооперативы эшселәре районда тәүгеләрҙән булып ужым культуралары сәсеүгә төштө. Ошо көндәрҙә Киров исемендәге, “А7 Агро-РБ” хужалыҡтарында ла был эшкә тотондолар.
Уңыш йыйыу эштәре ҡыҙғандан ҡыҙа. Ауыл эшсәндәре йәйҙең бер көнө ҡышты туйҙыра икәнен аңлап, көндө төнгә ялғап эшләй. Бөгөн улар алдында үҫтерелгән уңышты юғалтыуһыҙ йыйып алыу бурысы тора.