Ҡыҙыу мәл етә

Йылдар буйы йыйылған тәжрибәме, етәкселәрҙең, эшселәрҙең һәр эшкә белеп, аңлап тотоноуымы сәбәп: Яҡшымбәт ауылы хужалығы һәр саҡ барыһын ваҡытында башҡарып, бөтәһен үҙ мәлендә теүәлләп ҡуйырға өйрәнгән. Бына әле лә, ауыл кешеһе өсөн, йылдың, бәлки, иң мөһим миҙгеленәлер, әҙерләнеп йөрөйҙәр. Тиҙҙән сәсеү башлана, яландарға сығыр мәл етә. Ир маҡтаныр, ҡорал эшләр, техникалары иң ҡыҙыу мәлдә эште боҙоп ҡуймаһын тип тырышҡан көндәре.