Тотҡасһыҙ сумаҙан

Ата-бабаларҙы әрләп ултырабыҙ: ниңә элек, төҙөр булғас, биналарҙы былай ҙур итеп төҙөнөләр икән? Тора-бара балалар кәмеүен, ғөмүмән, халыҡтың кәмеүен белһәләр, һиҙһәләр булыр ине. Улар төҙөгән, ә беҙгә бына уның касафатын күрергә. Буш ҡалған биналар менән нимә ҡылырға ла белеп булмай, тотҡасһыҙ сумаҙан кеүек, ташлап булмай, артабан алып барғы килмәһә лә, уларҙы көс-хәл менән, ҡултыҡ аҫтына ҡыҫтырып, китеп барабыҙ.