+19 °С
Ясно
БАҪЫЛҒАНҒА ҠАЙТЫП
13 Октября 2021, 10:30
«Айыҡ ауыл» конкурсында еңеүсе ауылда- спорт майҙансығы
Көйөргәҙе районы Яҡут ауылында яңы хоккей майҙансығы барлыҡҡа килде. Бында, шулай уҡ, паркты төҙөкләндерергә һәм һыу менән тәьмин итеү селтәрен йүнәтергә ниәтләйҙәр. Яҡут ауылы халҡы «Айыҡ ауыл» проектында еңеп алған сертификат аҡсаһын тотона башланы.
«Айыҡ ауыл» конкурсында еңеүсе ауылда- спорт майҙансығы
«Айыҡ ауыл» конкурсында яҡуттар бәләкәй ауылдар категорияһында II урынға лайыҡ булды һәм 3 миллион һумлыҡ дәртләндереү бүләге алды. Был сумма ауыл өсөн файҙалы эшкә йүнәлтеләсәк.
«Сертификат аҡсаһын беҙ 3 төрлө йүнәлешкә бүлергә иҫәп тотабыҙ. Хоккей майҙансығында эштәр тамамланғас, паркты төҙөкләндерә башлайбыҙ. Бында эскәмйәләр, сәхнә урын аласаҡ. Тирмә ҡуйырға һәм үҫентеләр ултыртырға ниәтләйбеҙ. Шулай уҡ, һыу менән тәьмин итеү селтәрен төҙөкләндермәксебеҙ. Ремонт эштәренән һуң йәй көндәрендә һыу менән проблема булмаҫ, тип ышанабыҙ»,- ти Данил Аҡылов, Көйөргәҙе районы хакимиәте башлығы урынбаҫары.
ҠОРОЛТАЙ/КУРУЛТАЙ
