Бәлки, имсәк ҡаптырырҙар.

Данил Акилов ФАПтағы хәлдәрҙе күргәс, аптырашынан торған урынында йығылыр ҙа китер тип көтмәнек, шулай ҙа амбулаторияның күренеше унда һоҡланыу тыуҙырманы.

Мдәәә, - баштар сайҡалды, телдәр шартланы. Кем генә килеп ҡараманы инде уны, баш табип, райондың бер түгел ике башлығы ла килеп әйләнде. Балалар баҡсаһына күсерәйек булды бер тәҡдим - килеп сыҡманы, бына контора ла бер вариант ине - йәнә аптыраҡ. Ҡайһы бер райондар алтышар ФАП ҡуя йылына, исмаһам, береһен беҙгә бирһендәр ине. 

- Ярар, ҡайҙа ҡул етә, тел етә, бөтөн ергә яр һалырбыҙ, - ошондай һығымтаға килдек, ныҡ ҡысҡырып илаһаҡ, бәлки, имсәк ҡаптырырҙар.