Уның йөрәгендә - Атайсал

Фанис Мансурович:
- Ух ты! Откуда такие сосны и по чём?

Венер Хамитов
- Яңа Морапталгада булса бик шат булыр идек!

Был ағастар тураһында беҙ алдараҡ яҙа-йоҙа ғына мәғлүмәт биргәйнек. Мораҡ лесничествоһына аҡсалар килеп ятҡан, Яҡшымбәт ҡарағайҙарҙы көтөп кенә ултыра. Бына килтерҙеләр, ултырттылар. Бик ныҡ ҡыуандылар. Әлбиттә, башҡаларҙың да ауыҙы бар, ә беҙгә, тип көнсөлөрәк ҡарай башланылар.

Эш былайыраҡ. Яҡшымбәт ауылынан сыҡҡан бер кеше Испанияла йәшәй. ASTRA PROPERTY INVEST S.L тип аталған фирма (мәрхәмәт фонды тип аңланыҡ) эшләй. Ире менән бергә. Бөтөн донъя буйлап ҡарағай ултырталар икән - һәр аҡсалы кеше тиерлек ниндәйҙер файҙалы эш менән шөғөлләнә: Сулпан Хаматова сирле балаларға ярҙам итә, Ди Каприо - юлбарыҫтарға. Бында ла шулайыраҡ. Бер заман беҙҙекеләр һиҙеп ҡала, Европала беҙҙең яҡташ йәшәй, Яҡшымбәткә лә ярҙам итмәҫме икән? Апайыбыҙ үҙе лә, бәлки, тәҡдим иткәндер, ғүмер тиҙ уҙа - тыуған ауылға ярҙам итеп ҡалайым. Баҡһң, был фирма бөтөн донъя буйлап ағас ултырта, ә Рәсәйҙә бер генә төп ултыртҡаны юҡ. Ҡыҫҡаһы, һөйләшеүҙәр китә, Свидетель Милосердия фонды эшкә егелә, мең бәлә менән (тегендә евро ла доллар хакимлыҡ итә, Ә Мораҡта ҡайҙан булһын ундай валюта?) аҡса күсә. 500 мең һумдан артыҡ. Башланған эш -бөткән эш, бына ҡарағайҙар, Яҡшымбәтте матурлап, ултыртылды ла. Ошоноң менән эш тамаммы? Юҡ. Аҡ мәсет. Ул күптән ремонт көтә, аҡса көтә, Башҡортостанда бындай мәсеттәр 4-әү генә (был турала әллә нисә яҙҙыҡ). Елле генә манара кәрәк. Матур булһын, әллә ҡайҙан ялтырап күренеп ултырһын. Тиҙҙән була, Алла бирһә. Испания ярҙамға килһә. Ә ул киләм ти. Манараның хаҡын, теүәл итеп, ҡысҡырып әйтмәйбеҙ (бер нисә миллион булыр), ә ниңә Яҡшымбәткә бар, беҙгә юҡ, тип әйтүеҙәр башланыр. Әйткәндәй, был яҡташыбыҙ бер ниндәй Атайсал-ғәләмәткә кереп тормаған, уның барлығыҙ да белмәйҙер, тотҡан да ярҙам итәм тигән. Изге күңелле кеше өсөн Атайсалмы -нимә тигән программа булыуы мотлаҡмы - юҡ. Атайсал уның йөрәгендә.