Йыл да иң яҡшы мәктәп уҡыусыларына Мәскәү ҡалаһында Кремлдә үткән Яңы йыл байрамына барыу бәхете тәтей. Быйыл бындай бәхет ҡаланың 5-се һанлы мәктәбенең 7-се класында белем алыусы Рәсим Усмановҡа йылмайҙы.
Кремль байрамында илебеҙҙең төрлө төбәктәренән 5 мең уҡыусы ҡатнашты, уларҙың 113-ө Башҡортостандан. Иң бәхетлелеләр араһында Күмертау уҡыусыһы булыу үҙе ҙур ҡыуаныс. Рәсим Усманов — спортсы, төрлө олимпиадалар һәм ғилми-практик конференцияларҙа, мәктәп уҡыусыларының Рәсәй хәрәкәтендә әүҙем ҡатнашыусы. Мәскәүҙе ул тәүге тапҡыр күрә. Был сәйәхәт Рәсимдең күңелендә ғүмерҙә лә онотолмаҫлыҡ тәьҫораттар ҡалдырған.