Урындағы үҙидара көнө менән!

Хөрмәтле урындағы үҙидара органдары хеҙмәткәрҙәре, муниципаль хеҙмәт ветерандары, депутаттар, йәмәғәт ойошмалары вәкилдәре!
Урындағы үҙидара көнө менән ихлас ҡотлауҙарымды ҡабул итегеҙ!
Райондың социаль һәм иҡтисади үҫеше, бында йәшәгән халыҡтың именлеге өсөн урындағы үҙидара органдарына ҙур яуаплылыҡ һалынған. Нәҡ ошо урындағы власҡа, халыҡ тарафынан һайланғандарға кешеләр үҙҙәренең иң мөһим проблемалары, мәсьәләләре һәм хәстәрҙәре менән мөрәжәғәт итә.
Муниципаль хеҙмәткәрҙең эше хужалыҡтың төрлө тармаҡтары буйынса яҡшы белем, ҙур яуаплылыҡ, үҙ-үҙеңде даими контролдә тотоу һәм түҙемлек талап итә. Үҙең менән бергә йәшәгән кешеләргә хеҙмәт итеүҙән дә абруйлыраҡ һөнәр юҡ. Тыуған Көйөргәҙе районы мәнфәғәте өсөн көн дә тырышып, күңел һалып хеҙмәт иткәнегеҙ өсөн байрам уңайынан рәхмәт һүҙҙәремде ҡабул итеп алығыҙ. Һеҙҙең яуаплы эшмәкәрлегегеҙҙә яңы ҡаҙаныштар теләйем! Һеҙҙең янда һәр саҡ өмөтлө һәм ышаныслы ярҙамсыларығыҙ, фекерҙәштәрегеҙ булһын! Ныҡлы һаулыҡ, бөтмәҫ ҡеүәт, халыҡҡа намыҫлы хеҙмәт итеүҙәге еңел булмаған һәм яуаплы эшегеҙҙә һөнәри уңыштар һеҙгә!