БАЙРАМЫҒЫҘ МЕНӘН!

«Кумертауское время» ҡала гәзитен, «Юшатыр» район-ара гәзитен, телерадиотапшырыуҙар вәкилдәрен Башҡортостан Республикаһының Матбуғат һәм киң мәғлүмәт хеҙмәткәрҙәре көнө менән ысын күңелдән ҡотлайым!
Журналист һүҙе тормошобоҙҙағы үҫеш-үҙгәрештәргә оло йоғонто яһай, йәмәғәтселек фекерен формалаштыра, халыҡтың интеллектуаль, рухи һәм әхлаҡи кимәлен үҫтереүгә ыңғай булышлыҡ итә.
Һеҙ, мөһим ижтимағи-сәйәси өлкә хеҙмәткәрҙәре, киләсәктә лә, ҡуйылған мәсьәләләрҙе хәл итеүҙә яҡындан ҡатнашырһығыҙ, заман һулышын яҡшы тойомларһығыҙ, илдә, республикала, ҡалала барған хәл-ваҡиғаларҙы ваҡытында һәм объектив сағылдырырһығыҙ, тип ышанам.
Барығыҙға ла ныҡлы һаулыҡ, именлек, илһам, ижади уңыштар, һөҙөмтәле һәм емешле эш теләйем.
О.Ю. ФРОЛОВ,
Күмертау ҡалаһы ҡала округы
хакимиәте башлығы