15 ФЕВРАЛЬ – ЯУГИР-ИНТЕРНАЦИОНАЛИСТАРҘЫ ИҪКӘ АЛЫУ КӨНӨ

Хөрмәтле хәрби хәрәкәттәр ветерандары, яугир - интернационалистар!Бына 32 йыл инде беҙ үҙ хәрби һәм гражданлыҡ бурысын намыҫлы, батырҙарса үтәгән яугирҙәребеҙгә рәхмәт белдерәбеҙ, уларҙы ысын күңелдән ихтирам итәбеҙ һәм һәләк булғандарҙы һағыш менән иҫкә алабыҙ. Афған һуғышы бер ҡасан да беҙҙең хәтеребеҙҙән юйылмаясаҡ, ул ил тарихында ныҡлыҡ символы булып ҡаласаҡ.Ҡыйыулығығыҙ, батырлығығыҙ, ҡаһарманлығығыҙ өсөн ҙур рәхмәт һеҙгә, ҡәҙерлеләребеҙ! Барығыҙға ла ҡоростай ныҡлы һаулыҡ, күңел тыныслығы һәм именлек теләйем. Бөгөн, һеҙ, йәш быуынға өлгө булып тораһығыҙ, Тыуған илгә һөйөү һәм яуаплылыҡ тойғоһо тәрбиәләйһегеҙ. Йәш үҫмерҙәр һәм егеттәребеҙ һеҙҙең лайыҡлы алмашсыларығыҙ булып, Ватаныбыҙҙың ышаныслы һаҡсылары булып үҫер, тип ышанам.О.Ю. ФРОЛОВ,Күмертау ҡалаһы ҡала округы Хакимиәте башлығы.