+23 °С
Облачно
Байрам уңайынан
20 Апреля 2021, 11:31
Хәлегеҙ бөтмәһен, башығыҙ ауыртмаһын
Сәйҙең төрлөһө була, һиндтыҡы шәп, әзербайжан, грузин, краснодар, ҡытайҙыҡы ла арыу. Путин Алтай үләнен эсә. Беҙҙекеләр һуңғы ваҡыт ҡаҙаҡтыҡын үҙ итә башланы- арзан да сығышы ла шәп.
Сәй - шәп нәмә, ҡыҫҡаһы. Ниңә башым ауырта - сәй эсмәгәнгә тип, ҡайһы бер сиргә сәбәбен дә табып ҡуя беләбеҙ. Шуныһы: сәй ныҡ һәйбәт булһа ла, уны ниндай касанан эсеүең мөһимдер. Иң тәмле сәй ҙә, алама һауыттан эсһәң, тәмен юғалта. Беҙ, шуны уйлап, матур сынаяҡтар менән сәйнүк алдыҡ. Кемгә? Силсәүиткә. Сәй кешегә көс тә бирә тиҙәр, эскәс, матур касаларҙан ғына эсеп, ғүмере бөтмәҫ эштәрен был ауыл башлығы һәйбәт башҡарһын, хәле бөтмәһен, башы ауыртмаһын.
Өс аҙнаға яҡын барған тауыш биреү процедураһы тамам. Барлығы 5 мең самаһы кеше үҙ һүҙен әйтте. Иң күп тауыш йыйған ауыл башлығы иртәгә ошо йыйылманы аласаҡ. Сәйҙәрегеҙ тәмле, тормошоғоҙ, ошо касалар һымаҡ, матур булһын.
