Бала күңеле аҡ ҡағыҙ

Әнүәр Вәхитов:- Минең атайым торбала эшләй -ТЭЦ.Зарина Фәттәхова:- Минең атайым әле эргәмдә, тик гел түгел, ул себерҙә эшләй.- Зарина, атайың себергә йөрөп эшләй, нисек уйлайһың был яҡшымы, әллә насармы, уның Күмертауҙа ғына эшләүен теләр инеңме?Зарина Фәттәхова:- Атайым өйҙә булғанда рәхәт, атайым гел ярҙамға килә, мине яҡлай ала, ул эшкә китһә һағынам. Ә бында уға эш юҡ, ул водитель, эш булһа ла аҡсаһын әҙ түләйҙәр.- Һеҙҙең ғаиләлә нисә бала, атай-әсәйҙәрегеҙҙән тағы бала алып ҡайтыуҙарын һорайһығыҙмы? Бәләкәстәр һеҙгә ҡамасауламаймы? Үҙегеҙ ҙурайғас нисә балағыҙ булыр тип уйлайһығыҙ?Билал Ғабдуллин:- Беҙ ғаиләлә өсәү, минең апайым һәм мырҙам бар. Бәләкәсебеҙ ҡай саҡ миңә йоҡларға, уйнарға ҡамасаулай, тағы ул хәтәр күп һөйләй, тауышлана, был минең асыуыма тейә.София Моратбаҡыева:- Минең дә бәләкәй мырҙам бар, шунан башҡа кәрәкмәй, үҙем үҫкәс, бер, йәки ике балам булыр тип уйлайым, шул етә. Балаларҙы үҫтерергә күп һаулыҡ, аҡса кәрәк, уларҙы ҡарауы ауыр.Әнүәр Вәхитов:- Минең Әмир исемле туғаным бар, беҙгә тағы бер малай кәрәк. Әсәйем дә алып ҡайтырға риза, тик ул ҡыҙыҡай кәрәк ти.Зарина Фәттәхова:- Беҙ ғаиләлә икәү, минең апайым бар. Тағы малай алып ҡайтығыҙ тип һорайбыҙ, әсәй аҡса юҡ ти, өләсәйем дә риза түгел. Минең өс балам булыр ине.