Күмертауҙың Сапсан янынан тыныс ҡына үтеп китеп булмай- унда оло туй. Балалар байрамына килгәндәр автомобилдәрен ҡайҙа ҡуйырға белмәй йонсой - Һабантуй тиерһең. Сапсан тирәһенә йыйылған бала-саға, ата-әсә, мәле тура килгәндә күңел асып ҡалайым әле тигәндәй, рәхәтләнеп байрам итә. Итһендәр шул. Иң мөһиме - балалар күңеле. Бәләкәй саҡтарында уйнап-көлөп ҡалһындар. Тормоштарында ла байрамдары күберәк булһын ине.