Мәңге хәтерҙә ҡалыр

Үлемһеҙ полк сафтарына начальство ҡушты тип баҫмағандар, үҙебеҙ һөйләштек әллә нисә кеше менән, олаталарының фотоларын күрһәтәләр, батырлыҡтары тураһында һөйләйҙәр, ныҡ ғорурҙар, әйтерһең, яуҙан үҙҙәре еңеп ҡайтҡан. Митинг та киң ҡолас менән үтте, йырҙар, телмәрҙәр.... Телмәр башҡа ваҡыттағына ҡарағанда, беҙҙеңсә, саҡ ҡына асыулыраҡ та яңғыраны кеүек - ике һүҙҙең береһендә Украина. Дәһшәтле телмәр бөтөр ҙә, барыбыҙҙа йыйналышып, ошонан туп-тура һуғышҡа китеп барырбыҙ кеүек тә тойолдо. Һалдат бутҡаһы бығырлап бешеп ултыра, халыҡ бер-береһе менән ҡосаҡлаша, ленталар өләшәләр, фото-видео төшөрәләр.... Еңеү көнө мәңге хәтерҙә ҡалырлыҡ бара.