-3 °С
Снег
Все новости
Байрам уңайынан
9 Мая 2022, 12:45
Ул һаман да сафта
Шәбағыш яғына китеп барһаҡ... Ҡыҙыл флаг елберҙәтеп ул килә.
Ул һаман да сафта
Вилсәпитенә, ни ғиллә менәндер, ҡайһылыр еренә таяҡ тыҡҡан, таяҡ башында ошо флаг. Туҡтаттыҡ. Булат Урманбәтов. Байрамына ҡарата хәрби формала үҙе. Старший прапорщик.
- Әллә алдап таҡтыңмы был погондарҙы? - донъяһы шулайыраҡ, генерал булмаған да хәҙер лампаслы ыштан кейә.
- Юҡ, ысын звание, бына документтары, - Булат ағай галифе салбары кеҫәһенә тығыла, ысын прапор икән.
- Байрамға ҡалаға киттем, мине хәҙер районға бик саҡырып бармайҙар, әллә ҡарт тиҙәрме, 67 йәш тә миңә.
Һынап ҡарайбыҙ, уҙа барһа, 50-не биреп була. Гел хәрәкәттә, ҡайҙан ҡарт булһын, егет кенә сағы.
Булат Урманбәтов, беҙҙең фекерҙе дөрөҫләп, һүҙен дауам итә:
- Һаман сафта ул мин, әле пожар машинаһында эшләйем, Ҡансыраға завклуб кәрәк, унда барһам да емертеп эшләйем ул мин.
Шикләнмәйбеҙ.
- Йорт һалып сыҡтым, 170 квадрат.
Ағайҙың дәрте беҙгә лә күсте, ҡосаҡлап хушлашайыҡ тиһәк, бының һүҙе бөтмәй.
- Резеда килеп йөрөй...
Киләлер. Быныһына ла шик юҡ. Килмәй ҡара, үкенерһең - ул һаман сафта.
Читайте нас:
© 2024 Юшатыр
Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»
Баш мөхәррир М.М.Ильясов
Эл. почта
Адрес
Республика Башкортостан, г. Кумертау, ул. Комсомольская, д. 35
Редакция
8 (34761) 4-44-45