Бөгөнгө Өфөлә барған Уҡытыусыларҙың август кәңәшмәһен күҙләп ултыра торғас, ошо журнал, ошо рубрика иҫкә төшөп китте. Гел беҙҙекеләр ҙә ул бында! Ана, тегендә район мәғарифының береһенән-береһе матур ҡыҙҙары, күлдәктәрен ялпылдатып, китеп бара, бында Сабанчин тора, арыраҡ Тимербулатов. Ана, Акилов, тегендә лә, бында ла фотоға төшөргә өлгөрәйем тип, сабыулап йөрөй. Түрҙә ултырғандар араһында ла беҙҙекеләр -Лира Рафаэль ҡыҙы. Уны, әллә күпме күрмәһәк тә, нисек танымайһың, шулай уҡ сибәр.
Әле уҡытыусыларыбыҙҙың иң шатлыҡлы мәлдәре. Шул уҡ ваҡытта тулҡынланыу ҙа юҡ түгел, алда - оло һынауҙар, яңы уҡыу йылы көтөп тора. Йыл буйы әлегеләй бәхетле йылмайыуығыҙ йөҙөгөҙҙән китмәһен ине, хөрмәтле мөғәлимдәр!