+1 °С
Ясно
Все новости
Байрамдар
22 Февраля 2021, 13:44
Ҡыҙҙар ирҙәрҙе ҡотлай
Лихачева Татьяна, «Берҙәм Рәсәй»:- Хөрмәтле яҡташтар, ысын күңелдән байрам менән ҡотлайбыҙ! Һеҙ, барлыҡ ир-егеттәр, – беҙҙең көс, һаҡ һәм ышаныслы терәк. Ныҡлы һаулыҡ, яҡындарығыҙ терәген, ғаилә именлеген һәм бәхет теләйбеҙ. Һеҙгә, ысын ирҙәргә, барлыҡ тормош ишектәре асыҡ булһын һәм ғүмер ҡыйынлыҡтарына бирешмәйенсә, матур йәшәргә яҙһын. Моратбаҡыева Маргарита, «Ғәҙел Рәсәй»:- Ҡатындар араһында ла, һис шикһеҙ, Ватанды һаҡлаусылар рәтенә индерерлектәр әҙ түгел. Тик беҙ ниндәй генә көслө, сыҙамлы булып күренмәйек, ә шулай ҙа илдең, ғаиләнең, дуҫтарҙың потенциаль һаҡлаусыһы тип априори рәүештә ир кеше һәм хатта бәләкәй малайҙар һанала. Ватанды һаҡлаусылар көнө тап ошо фекерҙе аңыбыҙға һеңдерә, бала саҡтан уҡ патриотик рухты тәрбиәләй һәм батырлыҡ сәмен уята. Барығыҙға гел көслө, намыҫлы, ҡыйыу йөрәкле һәм тәүәккәл булыуығыҙҙы теләйем. Һеҙ булғанға рәхмәт!
Февраль айында быуаттан артыҡ билдәләнгән мөһим дата бар. Ул - 23 февраль көнө. Үҙ тарихында был байрамдың атамаһы әллә-нисәмә тапҡыр алмаштырыла. Шулай итеп, 1918 йылдың 17 февралендә ойошторолған Ҡыҙыл Армияның барлыҡҡа килеүененең 4 йыллығына бағышланып, ул илебеҙҙә беренсе тапҡыр 1922 йылда булдырыла. Тик, беренсе уҙғарыу йылында (1919 йылда) 17 февраль дүшәмбегә тура килгәнгә күрә, байрам мәжлестәре яҡындағы ял көнөнә күсереләләр. Шул ваҡыттан алып һәр 23 февраль «Ҡыҙыл Армия көнө” итеп билдәләнә башлай. Һуғыштан һуң, 1946 йылда, был хәтер көнөнә яңы атама бирелә – “Совет армияһы һәм хәрби-дингеҙ флоты көнө”. Совет социалистик республикалар союзы тарҡалғас, 1991 йылда байрам юҡҡа сыҡмай, ә, киреһенсә, яңы мәғәнәгә эйә була. 2006 йылда яңы Федераль законға ярашлы ул «Ватанды һаҡлаусылар көнө” тип атала башлай һәм тәү тапҡыр календарҙең ҡыҙыл ял көнө итеп иғлан ителә.
“23 февраль” барлыҡ быуындар өсөн дә мөһим, сөнки был сара – хәтер ҙә, өлгө лә, геройҙарыбыҙҙы һәм Ватаныбыҙҙы данлау ҙа. Совет заманында уҡ был байрам менән буласаҡ Ватан һаҡлаусыларын - бәләкәй малайҙарҙы ла - ҡотлағандар. Бөгөн, ошо көндө билдәләгәндә, Ватаныбыҙҙы һаҡлаусыларҙы иҫкә алып ҡына ҡалмайбыҙ, ә шул уҡ ваҡытта илдең тарихына ҡарата ихтирамыбыҙҙы күрһәтәбеҙ һәм патриотик рухыбыҙҙы сағылдырабыҙ. Һуғыш яуында булған һәм булмағандар, армия сафында хеҙмәт иткән һәм итмәгәндәр, йәштәр һәм ололар, ил һағында тороусы ирҙәр һәм ҡатындар араһындағы сиктәрҙе юйып, был байрам хәҙер халыҡсан төҫлө.
Һәм был дата ғәҙәти булараҡ дөйөм ир-егеттәр көнө тип һаналғанға күрә, 23 ферваль көнө менән бөгөн Күмертау ҡала Советының депутаттар корпусындағы ҡатын-ҡыҙҙар исеменән Лихачева Татьяна Анатолий ҡыҙы һәм Моратбыҡыева Маргарита Фәнит ҡыҙы ҡотлайҙар.
Күмертау ҡала Советы депутаты М.Ф. Моратбаҡыева.
Читайте нас:
© 2024 Юшатыр
Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»
Баш мөхәррир М.М.Ильясов
Эл. почта
Адрес
Республика Башкортостан, г. Кумертау, ул. Комсомольская, д. 35
Редакция
8 (34761) 4-44-45