Тыйылыу

Бөтә ауыл ҡуҙғалды, уйын эш түгел, Ҡотлоюлға (Йыуасалыға) 150 йәш, оло юбилей. Шартына килтереп үткәрергә кәрәк. Һәр йорт-ихата йыйыштырылды, буялды, ремонтланды, башҡа, күҙгә күренмәҫ, әллә күпме эштәр башҡарылды. Кисә лә беҙгә шылтыратып киҫәттеләр: килегеҙ, байрам ғәләмәт булмаҡсы, ауылда әллә нисәмә өҫтәл әҙерләнә, тирмә ҡуйыла, концерт була.... Барыһы ла беҙ уйлағанса барһа икән. Байрамды тыйҙылар. Ярамай, сир тарала, ул-был булып ҡуймағайы, фәлән-фәсмәтән-төгән.... Ҡотлоюлдың юбилейы Фольклориада түгел - үткәрмәгеҙ.

Байрамды әлегә тыйҙылар, күңел төштө (инде ҡабам ғына тигәндә ауыҙҙан тәмле ризыҡты тартып алған һымаҡ), шулай ҙа бөтөрөнмәйек. Ҡотлоюлдың 150 йыллығын да, 200 дә үткәрербеҙ, Хоҙай һаулыҡ ҡына бирһен.