+25 °С
Облачно
Бергә ҡалайыҡ
16 Октября 2021, 05:35
Башҡалар ҙа ҡатнашһын
Рәмзиә ӘБЙӘЛИЛОВА, Мораптал ауылы биләмәһенең урындағы башҡорттар ҡоролтайы рәйесе:- "Айыҡ ауыл" республика конкурсында еңгән грантты маҡсатлы файҙаланыу буйынса һатыу эштәре тамамланды. Бөгөнгө көндә ойошмалар менән ике яҡлы килешеүҙәр төҙөлә, рәсми рәүештә ҡул ҡуйылып эштәр башланды. Уйын майҙансығы, ҙур тирмә алынды. Шулай уҡ хәйерле сәғәттә, изге ниәттә ауылыбыҙға хоккей майҙансығы ла ҡайтты. Уның урынын тигеҙләп, әҙерләп кенә көтөп торҙоҡ. Татарстандан алып килделәр һәм шунда уҡ теҙеп ултыртып та киттеләр.
Башҡалар ҙа ҡатнашһын
Ауылыбыҙ балалары шул тиклем ҡыуана, көнө буйы эргәһендә уратып йүгереп йөрөйҙәр. Ошо көндәрҙә парк төҙөлөшө лә башланасаҡ. Майҙансыҡты уратып алырға һәм сәхнәбеҙҙе алып килгәс уны урынлаштырырға тороп ҡалды. Әгәр ҙә быйыл өлгөрһәк ял итеү урыныбыҙҙы йәшелләндереү мәсьәләһен дә хәл итергә ине. Килен ҡойобоҙға юл да һалынасаҡ тип ҡыуанып торабыҙ.
Алла бирһә, ял паркыбыҙҙы ноябрь баштарына ҡунаҡтар саҡырып тантаналы рәүештә асырға планлаштырабыҙ. Шуға ла көндәр матур, йылы торғанда эштәрҙе иҫән-һау ғына башҡарып ҡуйырға тырышабыҙ.
"Айыҡ ауыл" тураһында тулы килеш үткән һанда баҫылды.
