Берҙәм һәм бергә

Әлеге көндә Тоҡомбәтовтар ғаиләһе 200-ҙән ашыу окоп шәмдәрен әҙерләү өҫтөндә әүҙем эш алып бара. Алдағы көндәрҙә гуманитар ылау менән ебәрергә ниәт итә улар.
- Башҡортостанда, Рәсәй төбәктәрендә киң таралған акцияға беҙҙең ғаилә, Сочи ҡалаһында көн итеүсе башҡа башҡорттар ҙа ихлас ҡушылды. Тимер банкалар менән Сочи башҡорттары һәм хеҙмәттәштәрем актив ярҙам итте. Картон табыуҙа ла мохтажлыҡ кисермәнек. Аҙым һайын магазин. Шәмдәрҙе эшләү өсөн 400 гр. кукуруз, фасоль банкаһына 250 гр. парафин китә. 45 кг. парафинды һатып алыуға Сочи башҡорттары әүҙем финанс ярҙам күрһәтте. Әлеге көндә тормош иптәшем Руслан менән 200 банка окоп шәмдәрен әҙерләнек.
Шулай уҡ февраль айында хәйриә концерты ойоштороп, йыйылған суммаға Симферополь һәм Севастополь ҡалаһындағы госпиталдә ятҡан яҡташтарыбыҙға ярҙам йөҙөнән гуманитар ылау менән барып ҡайтырға йыйынабыҙ. 

Илүзә һәм Руслан Тоҡомбәтовтар менән әңгәмә тулы килеш гәзиттә йома һанында баҫылды.