Ҡаза аяҡ аҫтында

Йәмле яҙҙы ҡаршылағанда береһе лә бәлә көтмәй, бөтәһе лә, яҡшы булыр, тип ышанып йәшәй. Тик барыһы ла беҙ уйлағанса ғына барамы ни. Кисә «Искра» хужалығына ҡаза килгән: Яҡшымбәт һөтсөлөк фермаһының 24 баш һыйыр малы токтан һуғылып үлгән, ниндәйҙер бағананан электр сымы ергә тейеп торған да, дымлы ер аша ток быларҙы һуҡҡан. Инде йәшел үләнгә аяҡ баҫабыҙ тип өмөтләнеп торған малҡайҙар шулай әжәлен тапҡан. Ҡыҙғанысҡа, бер башты ла һуйып өлгөрмәгәндәр. Хужалыҡтың баш зоотехнигы Әүхәҙи Хәлитов: «Иттәре эшкинмәй. Ветеринария талаптары буйынса яндырырға тура киләсәк», - ти.