Балалар асыҡмаҫҡа тейеш

- Ялсығолов 4 октябрҙән бирле мәктәбебеҙгә ашарға ташымай башланы, тендерҙы ул отҡан икән, эшенә яуаплы ҡарарға тейеш тә баһа - беҙ аптырайбыҙ. Шылтыратабыҙ - телефонын алмай. Ахырҙа, тиҙ арала уның менән араны өҙөп, яңы тендер үткәрҙек тә, Забиров тигән эшҡыуар отто. Әйткәндәй, ул былтыр ҙа беҙҙең балаларҙы ашатты, бер ниндәй проблема ла булмағайны. Балалар ас йөрөмәҫкә тейеш, Аллаға шөкөр, хәҙер уҡыусыларыбыҙ асыҡмай, Иҫке Отраданан ошондай яуап алдыҡ. Ялсығоловҡа шылтыратһаҡ, уны алдырырлыҡ түгел - пип-пип тигән тауыштар ғына сыға. Ул башҡа мәктәптәрҙе лә ашата - был турала тулыраҡ киләһе һанда яҙылыр.