ӨЙГӘ ИНДЕРМӘГЕҘ

Йорт, фатирҙарға аҫылмалы түшәм урынлаштырыу һуңғы ваҡытта киң ҡулланылышҡа инә бара. Ни өсөн тигәндә уны монтажлап урынлаштырыу әллә ни ҡыйынлыҡтар тыуҙырмай. Шулай ҙа бының бер хәүефле яғы бар: аҫылмалы түшәмде урынлаштырғанда йылытыу пушкаһы ҡулланыла. Ә ул газ баллоны менән эшләй. Газ баллонын дөрөҫ ҡулланмау уның шартлауына килтереүе бар. Бигерәк тә ул йорт, фатир эсендә булғанда. Шуға күрә уның урамда тороуы хәйерле. Ремонт ваҡытында газ баллонын өй эсенә индермәгеҙ.