ТИКШЕРЕҮСЕЛӘР БЕҘҘӘ

Комиссия ағзалары мәғариф, мәҙәниәт учреждениеларының хәрби-патриотик йүнәлештәге эштәре менән танышты. Медицина учреждениеларында диспансеризация үтеү, хеҙмәткә алыныусыларҙы тикшереү һәм дауалау мөмкинлектәрен баһаланылар. ДОСААФ автомәктәбендә лә булдылар.

Һөҙөмтәлә ҡала буйынса хәрби-патриотик тәрбиә эше «биш» билдәһе алды. Ә дөйөм тикшереү һөҙөмтәләре буйынса Күмертауға «дүртле» билдәһе ҡуйылды.

Кисә ошо уҡ комиссия Көйөргәҙе районын тикшерергә килде. Район хакимиәтендә район хакимиәте башлығының социаль һәм кадрҙар сәйәсәте буйынса урынбаҫары Люциә Хәмитова сығыш яһаны.

- Әлеге көндә 85 Көйөргәҙе егете хәрби бурысын үтәй. 13 кеше контракт буйынса хеҙмәт итә. Районда 14-19 йәштәге 2343 йәш кеше йәшәй (район халҡының 10%-тын тәшкил итә). Шуларҙың 1731-е 14-26 йәшлектәр, йәғни «хәрби хеҙмәткә саҡырылыу» йәшендәгеләр, - тигән һандарға өҫтәп, ул районда башҡарылған хәрби-патриотик тәрбиә, Бөйөк Ватан һуғышы ветерандары һәм тыл хеҙмәткәрҙәре исемдәрен мәңгеләштереү эштәре, ветерандар советы менән тығыҙ бәйләнеш хаҡында ентекле һөйләне. Хәрби-профессиональ училищеларға уҡырға кереүселәрҙең арта барыуын, һуңғы 3 йылда ғына уларҙың һаны 10-ға етеүен дә һыҙыҡ өҫтөнә алды ул.

Район хакимиәтенең спорт, физик культура һәм туризм буйынса комитет етәксеһе Василий Копылов физик культура һәм спорт үҫеше, Күмертау ҡалаһы һәм Көйөргәҙе районы хәрби комиссары вазифаһын ваҡытлыса башҡарыусы Сергей Дятлов хәрби хеҙмәткә әҙерләү, ҡала үҙәк дауаханаһының баш табибы Олег Астахов хеҙмәт итергә йыйыныусыларҙың сәләмәтлеге хаҡында отчет сығышы тотто.

Комиссия районда тағы бер көн эшләйәсәк әле. Шунан ғына һөҙөмтәләр, райондың хәрби-патриотик эшенә ниндәй баһа ҡуйылыуы билдәле буласаҡ.