БӨГӨН - МИҒРАЖ КИСЕ!

Ул, ваҡыт һәм ғаләм киңлеге (пространство) аша үтеп, ожмах үә тамуҡтарҙы күреп ҡайтҡанда, уның йоҡлаған ятағы ла һыуынмаған булған.

Теге донъяға барып ҡайтыусы берҙән-бер кеше - пәйғәмбәребеҙ, саллалаһу ғәләйһи үә сәлләм. Пәйғәмбәребеҙ, саллалаһу ғәләйһи үә сәлләм, бер хәҙисендә әйткән: “Дөрөҫлөктә, мөьминдең миғражы – уның намаҙы”. Намаҙ уҡығанда, Аллаһ ҡаршында баҫып торған һымаҡ үҙеңде хис итергә кәрәк, шул саҡта намаҙың камил булыр. Ашығып уҡыуҙан файҙа булмаҫ. Намаҙҙа юҡ-бар хәрәкәттәр яһау ҙа, башҡа төрлө фекерҙәр килеү ҙә мосолмандың Аллаһ ҡаршында баҫып тороуына лайыҡ ғәмәл түгел. Аллаһ ҡаршында булғанда, фәҡәт Уның тураһында ғына уйлап, Уның ризалығына ирешергә тырышырға кәрәк.