ТӨЛКӨЛӘРҘЕҢ ДӘ АШАҒЫҺЫ КИЛӘ

Беҙгә шылтыраталар, ауылдарҙа ҡаҙ-тауыҡҡа көн ҡалманы: төлкөләр ботарлай. Баҡһаң, ҡыш ҡарһыҙ булыу сәбәпле, сысҡандар ҡышлай алмаған, төлкөләр шуға ла ас, мәхлүктәр нимә эшләһен, уларға ҡош-ҡортҡа һөжүм итергә генә ҡала. Кешеләр үҙҙәре өсөн тип ҡурсалап ҡына үҫтереп килгән ҡоштарын төлкөләр һоғона. Абдул ауылында 18 өйрәкте тамаҡлағандар, Яҡупта 8 ҡаҙ бәпкәһенең башына еткәндәр. Ә Уңғар төлкөләре тауыҡ ярата икән, был ауылда тап ошо ҡоштарҙы ашағандар. Баҫыуҙарҙа эш туҡтағас, емеш-еләк йыйып алынып, һуғымдар һуйыр мәл еткәндә, ләззәтләнеп өйрәк-ҡаҙ, тауыҡ, күркә ашап ҡына ятҡығыҙ килһә, уларға бөгөн ныҡ күҙ-ҡолаҡ булығыҙ - төлкөләрҙең да ашағыһы килә.