«Ауыл уҡытыусыһы» программаһы

Рәсәй Мәғариф министрлығы «Ауыл уҡытыусыһы» программаһында ҡатнашыусылар өсөн электрон ресурс һәм эш урындары реестрын әҙерләй. Был хаҡта министр Ольга Васильева Выборг ҡалаһында йәш уҡытыусылар форумында белдерҙе.

2020 йылдан Рәсәй Федерацияһы Президенты йөкләмәһен үтәү барышында «Ауыл уҡытыусыһы» программаһын тормошҡа ашырыу башлана. Программа ауылға, эшселәр ҡасабаһына, ҡала тибындағы ҡасабаға, 50 меңгә тиклем кеше йәшәгән ҡалаға эшкә килгән (күсеп килгән) уҡытыусыға 1 миллион һум күләмендә бер тапҡыр бирелә торған компенсация түләүҙе күҙ уңында тота.