Юшатыр
-18 °С
Облачно
75 лет Победы
Все новости
Общие статьи
11 Августа 2020, 15:10

Көтөлмəгəн осрашыу

Һаумыһығыҙ дуҫтарым! Һеҙҙең менəн ҙур ҡыуанысымды уртаҡлашып китəйем. Йəйҙең һуңғы айы тип уйлап, күңелһеҙлəнергə лə өлгөрмəнем, август башы матур осрашыуҙар менəн башланып һөйөндөрҙө.Тыуған яғымдан, Хəйбулла тарафтарынан бергə уҡыған синыфташтарым килеп төштө. Уларҙың берəүһе, ҡырҡ биш йыл күрешмəгəн, балалар йортонда бергə үҫкəн Исмəғилова Гөлсимə ине. Көтөлмəгəн осрашыу булды. Йəнбикə менəн Гөлшатҡа бик рəхмəтлемен, һирəгəйеп барабыҙ бит, олоғаябыҙ.

Яҡуттың шифалы күленə барып ял иттек. Беҙҙең бəхеткə көндəр йылытып, хатта ҡояш ҡыҙҙырып, урыны-урыны менəн ямғыры менəн дə һөйөндөрөп торҙо. Ҡунаҡтарыма Көйөргəҙе ере бик оҡшаны. Иркенлеккə хайран ҡалдылар. Улар Хəйбулланың далаларын үтеп, урман, тау-таш яғында Аҡъюл яғы ҡыҙҙары. Көйөргəҙенең үҙ матурлығы, ыҡсым ғына түмəлəс тауҙар, өйкөм генə сауҡалыҡтар. Юл буйлап фотоға төшөрөп кинəнделəр.
Читайте нас в