-25 °С
Болотло
Бөтә яңылыҡтар
Общие статьи
2 Ғинуар 2021, 15:39
Күмертау боланы- Өфөлә
Ришат Исламшинды белмәгән кеше һирәк, Түкәндә йәшәне, шунда эшләне, бер саҡ, уңыш йыйыу мәлендә, игенде ҡуйыр урын юҡ тип болаланы, силсәүит ҡаршыһына барып бер машина ашлыҡ түкте (протест билдәһе), район башлығы алдына барып, хакимиәт янында, теҙ сүкте, быларҙың барыһын видеоға төшөрөп интернетта таратты, Күмертауға күсеп килгәс, ҡалала ла тик ятманы, төрлө ҡыйыш-мыйыш тип күргән ерҙәрен видеоға төшөрҙө, хатта бер мәл митинг ойошторҙо (Юшатырҙа был турала ҙур материал баҫылғайны)
Донбастағы һуғышҡа ла барып ҡайтты, ҡыҫҡаһы, тынғыһыҙ бер йән. Ришат Самат улының ҡулы етешмәгән ере юҡ һәм был ҡулдар эшкә лә оҫта. Ул яһаған арыҫлан әле лә ҡаланы биҙәп тора. Р. Исламшин Күмертауға ғына һыйыр кешеме, сарматтар дәүере аңҡып торған болан һәйкәлен әүәләгән дә, был һын Өфөнөң үҙендә, Конгресс-Холл янында урын алған. Бер заман ошолай һөйләрҙәр: был һәйкәл Тавасиевтыҡы, быныһы Ковальчуктыҡы (Бабич), ә быныһы - Исламшиндыҡы.
Новости партнеров