+28 °С
Облачно
Данлыҡлы яҡташтарыбыҙ
25 Мая 2021, 05:15
Бөтөн республика ишетте
Беҙҙекеләр бөгөн Өфөлә, телевизор эсендә. Данил Акилов, Юлай Ишмөхәмәтов, Самат Туйгилдин, Рәмилә Рахманғолова. Ерле юҡ кешене телевидениеға саҡырмаҫтар, райондың иң арҙаҡлы кешеләре байтаҡ ҡына шатлыҡлы яңылыҡтарҙы менән бөтөн республикаға таратты. Данил Зиннәт улы Көйөргәҙе райондағы донорҙарҙы маҡтаны, Айыҡ ауылды ғорурланып һөйләне. Юлай Юныс улы ағинәйҙәрен күккә күтәрҙе, бик шәп инәйҙәр, тине. Юшатырҙы ла телгә алды, рәхмәт төшкөрө.
Беҙҙекеләр бөгөн Өфөлә, телевизор эсендә. Данил Акилов, Юлай Ишмөхәмәтов, Самат Туйгилдин, Рәмилә Рахманғолова. Ерле юҡ кешене телевидиениеға саҡырмаҫтар, райондың иң арҙаҡлы кешеләре байтаҡ ҡына шатлыҡлы яңылыҡтарҙы менән бөтөн республикаға таратты.
Данил Зиннәт улы Көйөргәҙе райондағы донорҙарҙы маҡтаны, Айыҡ ауылды ғорурланып һөйләне. Юлай Юныс улы ағинәйҙәрен күккә күтәрҙе, бик шәп инәйҙәр, тине. Юшатырҙы ла телгә алды, рәхмәт төшкөрө.
Рәмилә Минияз ҡыҙы ғаиләһе тураһында бәйән итте, уҡытыусылар династияһын дауам итәбеҙ, һунарсы булған ырыуым, һунарсы ата-бабам, һунарсы ҡаны үҙемдә, һунарсы булыр балам, тигән кеүек матур тарих һөйләне.
Самат Усман улы көрәште данланы (кем-кем, ул был спорт төрөн бик яҡшы белә), Яҡуптан Рафиҡовтар, Ғайсиндарҙы маҡтаны. Үҙе тураһында бер ни әйтмәй тик ултыра, маҡтана белмәй икән. Алып барыусы быға аптыраны, үҙегеҙҙе лә әйтегеҙ тигәс кенә, көрәшсе уңайһыҙлана-уңайһыҙлана бер-ике һүҙ өҫтәне.
Шулай итеп, беҙҙең ниндәй шәп икәнде бөтөн республика ишетте. Афарин, егеттәр һәм Рәмилә. Беҙ, беҙҙең арала ла бар бит шундай кешеләр тип ныҡ ғорурланып ултырҙыҡ.
