+20 °С
Облачно
Данлыҡлы яҡташтарыбыҙ
26 Октября 2021, 05:05
Ләйсән, һин быға лайыҡлы күптән
Ләйсән Күсәрбаева. Иң ҡыуанған кешеләрҙең береһе бөгөн ул. "Ауыл тренеры" программаһы буйынса уға 600 мең һум аҡса бирҙеләр. Бирҙеләр тигәс тә, Мә тип тик торғандан береһе лә килтереп тотторманы. Республикала 200-гә яҡын тренер ынтылған был премияны эләктерергә, бары тик 30 ғына тренер ала алған.
Ләйсән, һин быға лайыҡлы күптән
Ләйсән Илшат ҡыҙы 18 йыл буйы Ермолаево спорт мәктәбендә тренер булып эшләй. Шәбағыштан йөрөп эшләй.
- Сатлама һыуыҡтарҙа юл буйында попутка көтөп торғандарым... - лауреат хәҙер быларҙы көлөп кенә иҫләй, ә ул саҡтарҙа... Һөнәрен яратмаған кеше күптән был эштән ҡасыр ине.
- Ермолаевонан йорт һатып аласаҡбыҙ, - тип пландары менән бүлеште Ләйсән беҙҙең менән, - уны ҡарап ҡуйҙыҡ инде. Барыһына ла ҙур рәхмәт, район еткәселегенә, Радий Фәрит улына һәм Альбина Имамоваға айырым рәхмәт - был ҡыҙ минең документтарым менән ныҡышып ултырҙы.
