Тулҡынланабыҙ, көтәбеҙ

Ғүмер, нисек кенә булмаһын, үҙ ағышы менән аға.

Төрлө ығы-зығы араһында беҙҙең бер нисек тә данлыҡлы яҡташтарыбыҙҙы оноторға хаҡыбыҙ юҡ. Һәм онотмайбыҙ ҙа. Тиҙҙән Күмертауҙа "М. Исҡужин уҡыуҙары" фәнни-ғәмәли конференцияһы шаулап уҙасаҡ. Ул февраль айында уҡ башланды, ә апрелдә, бөтөн эштәрҙе ҡарап, баһалап бөткәндән һуң, был мәртәбәле сараға нөктә ҡуйыласаҡ. Быйылғы уҡыуҙарҙың әһәмиәте лә юғары - М. Исҡужиндың тыуыуына 95 йыл тулыу мәленә тура килә.

Мөхәмәт ағайҙың исемен йөрөткән прогимназия директоры Әнисә Түләгәнова дәртле баҫып йөрөй - сара шәп килеп сыҡмаҡсы. Фәнни эштәр ныҡ күп ти. Масштаб хәтәр. Көйөргәҙе районынан ғына бер эш тә юҡ икән, ниңәлер. Сәйер.

- Мәғариф министрлығы менән берлектә үткәрелгән сараға республикабыҙҙың төрлө район һәм ҡалаларынан эштәр килә. Бигерәк тә Туймазы, Ҡырмыҫҡалы райондары әүҙемдәр, - ти Рима Арыҫланова Күмертау ҡалаһы Мәғариф идаралығы методисы.

Ҡыҫҡаһы, әҙерләнәбеҙ, көтәбеҙ, тулҡынланабыҙ. Изге эш - изге юлдың - аҙағы ла хәйерле булыр (Изге айға тура килә, етмәһә).

Автор:Дим Ильясов

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45