"Йәнәш атлағандарға рәхмәт"

Йәкшәмбе көнө дуҫ-таныштар был турала мәғлүмәт ебәреп, ҡотлау һүҙҙәре яҙа башланы. Әлегә ҡағыҙҙарҙы ҡулға тотоп ҡарамағас, тулыһынса ышанып та бөтөп булмай. "Атҡаҙанған төҙөүсе" исеме күберәк элекке эштәремә бәйлелер тип һанайым, сөнки бөгөнгө көндә ҙур объектар төҙөүҙе туҡтаттыҡ, фирманы ҡыҫҡарттыҡ, ваҡ-төйәк объекттар ғына алабыҙ. Былтыр "Акрополь" фирмаһын булдырыуыма 30 йыл да булды, шул осор эсендә фирмабыҙ төҙөгән объекттар бихисап. Бәләкәй ҡалала юғары үрләү ауырыраҡ, шуға күрә фирмабыҙ Күмертауҙа булһа ла, эштәрҙе баш ҡалабыҙға күсерҙек. Бөгөнгө көндә Өфөлә эш башлап йөрөйбөҙ. 

Хәйҙәр Ғайсин менән әңгәмә гәзиттә бөгөн баҫылды.