Все новости
ДЕПУТАТТЫҢ ҺҮҘЕ ҺӘМ ЭШЕ
26 Августа 2021, 17:26

"Ҡөҙрәтем еткәнсә"

Ауылдарҙа эштең туҡтағаны юҡ, береһен эшләп өлгөрмәйһең, икенсеһе, өсөнсөһө көтөп тора. Мәшәҡәттәр баштан ашҡан, ярҙам ит тип, оран һалып ҡайҙа барырға? Әл дә район депутаттары өлгөр, һә тигәнсе килеп лә етә. Улар нимә генә эшләй ала инде тиерһегеҙ, һәм һеҙ хаҡлы ла булырһығыҙ, һәр власть Хоҙайҙан тигәнгә ышанғанда, был бәләкәй генә власть та (депутатлыҡ) Тәңренән булырға тейеш. 

"Ҡөҙрәтем еткәнсә"
"Ҡөҙрәтем еткәнсә"

Алла биргән һәм закон ҡушҡан ҡөҙрәтенә ҡарап, улар һәр проблеманы хәл итергә тырыша ла. 

Дамир Хәйбуллин кисә Бахмутҡа барҙы - аһ-зар тыңларға. Күп һәм оҙаҡ ҡына тыңлап ултырҙы, ЮҠ тип әйтмәне, ҡулдан килгәнсә тине. Горный Ключҡа автобус барып етмәй тигәнен дә ишетте. 
- Хәл итербеҙ, ҡөҙрәттәрем еткәнсә. 
Әйткәндәй. Д. Хәйбуллин, нисек булһа ла, рәхмәттәр ишетә, тимәк, ярҙамы кемгәлер тейә. Беҙгә лә тейҙе. Гонаһлыбыҙ, бөтә ғаләм алдында рәхмәт әйтербеҙ тинек тә.... Ваҡытын тап итеп булмай. Бер мәл ул беҙҙең уҡыусыларға ла бүләк бирҙе - беҙҙең бер конкурстың бағымсыһы булды. Ҙур рәхмәт һеҙгә, Дамир Минияр улы, беҙҙең рәхмәттән ҡөҙрәтегеҙ тағы ла артып китһен. 
Автор:Дим Ильясов
Читайте нас: